تصوف،قولِ الہٰی اورسیرتِ نبویﷺ کے عاشقانہ ملاپ کا سفر ہے ۔ عشق، سلوک و تصوف کی انتہا اور ابتداء بھی ہے۔صوفی کا قول وفعل رضائے شیخ، حبِ رسولﷺ اور خوشنودی باری تعالیٰ کے آفاق میں سرگرداں رہتا ہے۔ تاریخِ تصوف اُن معظم ہستیوں کی قصیدہ خواں ہے جنھوں نے دینِ فطرت کی سربلندی کے لیے عمریں صرف کر دیں اور طریقت کے مختلف سلاسل قائم کر کے انسانیت کی رہبری کا فريضہ سر انجام دیا۔ ہر سلسلے کی عظمت و رفعت اور شان جداہے۔انہی سلاسل میں سے ایک بلند پایہ’’سلسلہ اویسیہ‘‘ ہے۔